Quand l'acquêt vient, il le faut prendre. "Quand la possibilité arrive de gagner quelque chose, il faut la saisir" : LE VARLET. Attendez ung peu, je me mouche. Vous estes mallement hastif. LE FOSSEIEUR : Il n'est pas temps d'estre tardif : Quant l'aquest vient, il le fault prendre, Et si ne fault rien entreprendre Qu'on n'en vienne a son grant honneur. (Myst. Viel test. R., t.4, c.1450, 352).

Rem. Hassell 30, A25.

Il n'y a rien qui ne s'aventure ("aller à l'aventure, prendre des risques") : Pareillement en l'escripture Si ne vous vueillez trop fier, Car ma lettre n'est que paincture Je ne sçay octograffier [sic]. Je ne fuz oncques cler greffier Point n'a esté ma nourriture, Neantmoins je m'y vueil affier : Il n'a rien qui ne s'adventure. (RÉGN., F.A., 1432-c.1465, 5). DAVID. N'y a que d'avoir bon couraige : Qui ne s'aventure il n'a rien. JONATAS. Cest enfant ne parle que bien ; Je prens plaisir quant je le voy. (Myst. Viel test. R., t.4, c.1450, 125). MARDOCHÉS. Que disent ces hommes cy ? BAGATHAN. Il n'a rien qui ne s'aventure. Il n'y a vivant creature Qui le saiche, n'aiez soucy. (Myst. Viel test. R., t.6, c.1450, 63). Voir me dist Dagobert quant de luy volz sevrer : Qui fait bien sa besongne sagement doit ovrer ; Or ay mes gens perdus par folement mener ; Si m'en vouldront ly princes et mocquer et hüer, Ce sera sans raison, ce pueut on bien prouver, Quar qui bien veult gaigner, il fault avanturer. (Flor. Octav. L., t.1, c.1356, 315).

A la fin faut devenir cendre : Nous sommes tous venus de cendre Et en cendre retournerons. (Myst. Viel test. R., t.4, c.1450, 330). À la fin faut devenir cendre (MIÉLOT, Prov. U., 1456, 192). LE ROY. ...Mort destruit tout, c'est son usage, Aussi tost le grant que le mendre. Qui moins se prise plus est sage ; En la fin fault devenir cendre. (Danse macabre C., 1485, 21).

De cendre venus, nous retournons en cendre : LE PREMIER PARENT. Helas ! sans vous desconforter, Cher parent, vous pouez comprendre Que rien ne pouons emporter ; Quant la mort vient, il la fault prendre. LE SECOND PARENT. Pensez qu'il n'est pas a aprendre. LE PREMIER PARENT. Toutesfois, nous l'advertirons Que sommes tous venus de cendre Et en cendre retournerons. (Myst. Viel test. R., t.4, c.1450, 350).

Rem. Hassell 61, C19.

Il ne faut pas attendre/garder à demain ce qu'on peut faire aujourd'hui : Sire, che dist li enffes, che sera longue demouree, Et si m'a dit men maistre Henry mainte journee Qu'a demain ne doit estre point le cose gardee Que par honneur puet estre aujourd'uy achevee (). C'est follie d'attendre a demain Ce que au jour d'uy on peult bien faire. (Myst. Viel test. R., t.4, c.1450, 351). Adonc le Maistre des arbalestriers commença son oppinion et dit : " Il me semble que, o la plus grande dilligence que possible sera, vous devez secourir ces gens-cy, puisque c'est vostre plaisir de le faire. Et ce que vous povez faire aujourd'uy, vous ne devez pas attendre à demain. Vous avez voz gens prestz." (BUEIL, I, 1461-1466, 171). Ainsi advint que, pour sejourner ung jour, le Jouvencel faillist à secourrir sa place et ses gens, et, s'il fut allé tout droit avecques ce qu'il avoit sans sejourner, il eust rescoux la place, car la guerre requiert dilligence. On fait aucuneffoys plus o cincq cens hommes que on ne feroit ung aultreffoys atout deux mille. Et, en tel cas, on ne doit pas attendre homme et ne doit l'on pas attendre à demain ce qu'on peult faire aujourd'huy. (BUEIL, II, 1461-1466, 117).

Rem. Hassell 44, A202.

Il ne faut pas attendre/garder à demain ce qu'on peut faire aujourd'hui : Sire, che dist li enffes, che sera longue demouree, Et si m'a dit men maistre Henry mainte journee Qu'a demain ne doit estre point le cose gardee Que par honneur puet estre aujourd'uy achevee (). C'est follie d'attendre a demain Ce que au jour d'uy on peult bien faire. (Myst. Viel test. R., t.4, c.1450, 351). Adonc le Maistre des arbalestriers commença son oppinion et dit : " Il me semble que, o la plus grande dilligence que possible sera, vous devez secourir ces gens-cy, puisque c'est vostre plaisir de le faire. Et ce que vous povez faire aujourd'uy, vous ne devez pas attendre à demain. Vous avez voz gens prestz." (BUEIL, I, 1461-1466, 171). Ainsi advint que, pour sejourner ung jour, le Jouvencel faillist à secourrir sa place et ses gens, et, s'il fut allé tout droit avecques ce qu'il avoit sans sejourner, il eust rescoux la place, car la guerre requiert dilligence. On fait aucuneffoys plus o cincq cens hommes que on ne feroit ung aultreffoys atout deux mille. Et, en tel cas, on ne doit pas attendre homme et ne doit l'on pas attendre à demain ce qu'on peult faire aujourd'huy. (BUEIL, II, 1461-1466, 117).

Rem. Hassell 44, A202.

À telle desserte tel paiement : LE PREMIER. A tel deserte tel paiement. Vous voyez bien en quel estat Il [Samson] en est. LE SECOND. Hé ! grant villain plat (...), Maintenant tu es abolly. (Myst. Viel test. R., t.4, c.1450, 46).

Rem. Hassell 92, D45 ; DI STEF. 246b, desserte.

Dieu regarde au coeur de l'homme, sans considérer le grand don ou le petit : BANANYAS. Vous vous estez bien acquicté, Chier sire, à mon intencion, Et croy ques vostre oblacion Sera au grant Dieu acceptable. LE CHEVALLIER. Je ne doubte point que agreable Ne luy soit veue la ferveur. Dieu regrde tousjours au cueur De l'homme et à l'affection, Sans considerer le grant don Ou le petit. (Myst. Viel test. R., t.4, c.1450, 391).

Envie est dans les cloîtres et à la cour : Par lui [envie] va chascun murmurant ; Maint debat et mainte meslee Fait chascun jour, mainte assemblée, Tousjours de l'un a l'autre court : La ne puet paix estre trouvée, Envie est en cloistre et a court. (DESCH., Oeuvres Q., t.5, c.1370-1407, 175). ...es cours des seigneurs Envye est sur les gouverneurs, Sur chevaliers et escuyers, Mesmement sur les officiers ; Conclusion, pour faire court, Envye est tousjours a la court (Myst. Viel test. R., t.4, c.1450, 116). Le G. soubstient ung tas de ff. rebelles, Plaines de boure, enflees de coton, Doint on feroit marchepiés et scabelles, Se tu, qui crois en leurs faulses libelles, Ne leur venois soustenir le menton. Tu viens querir cinq pieds en ung mouton, Troubler nostre eaue et accrositre le vent : Tousjours se loge envie en un convent. (MOLINET, Faictz Dictz D., 1467-1506, 207).

Rem. Hassell 103, E54 ; DI STEF. 299b, envie.

Rem. Cf. COTGR. : «The greatest burthens are not the gainfullest ; or, The goodnesse of a thing rests not in the greatnesse of it.» Hassell, 109, F21 ; DI STEF. 329a, fardeau.

Femmes ne savent rien celer : Toutteffois l'Acteur compte voir Que femmes ont peu de sçavoir. L'Acteur si nous voeult reveller Que envis poeul femme celler Ce qu'elle scet certainement, Et, par mon chief, point il ne ment. (Renart contref. R.L., t.2, 1328-1342, 12). CONCILE. ...en bonne foy, Je ne vous recognois pas bien. L'ÉGLISE. Je ne m'en esbays en rien ; Car viellesse, de sa nature, Fait devenir la vue obscure, Pardonnez moi d'ainsy parler : Femmes ne scèvent riens céler. Sy croy-je, pas ne véez trouble, Car vous représentez un noble Joyau, pour qui faut bien veiller Et bien penser à conseiller Des affaires, par bonne guise. (CHASTELL., Oeuvres K., t.6, c.1435-1475, 2). SAMSON à Dalila. Onc de toy bien ne proceda De me faire ceste finesse ! Ce fut a moy bien grant simplesse Que mon secret te reveller, Car femme a peine peut celler Chose qui doit estre cellée. (Myst. Viel test. R., t.4, c.1450, 42).

Rem. Hassell 110, F43.

Rem. Morawski 743 : Ferree jument glice ; Hassell 111, F56 ; DI STEF. 337b, ferrer.

Qui trop se hâte souvent perd son bruit : RRYE. On pensera Cest nuyt cy en nostre affaire Et a cella que aurons affaire, Quant mous fauldra livrer l'assault. JOAB. Pour ceste nuyt demourer fault, C'est le meilleur. URYE. Qui trop se haste, Souvent pert son bruit et se gaste, Quant les batailles sont cruelles. (Myst. Viel test. R., t.4, c.1450, 171).

Rem. Hassell 133, H16.

L'honneur mondain est peu durable : Vouz avez veu le jugement notable De Salomon, hault juge veritable ; Pardonnez nous se nous n'avons fait mieux ; L'honneur mondain a l'homme est peu durable : Juge doit estre prudent et vertueux. (Myst. Viel test. R., t.4, c.1450, 383).

Jeunesse vieillesse déprise : LE PREMIER FILZ. Ce povre homme est viel et cassé ; Notez qu'il est de bonne prise. LE SECON FILZ. Pieça est aus gaiges cassé : Jeunesse viellesse desprise. LE PREMIER FILZ. Conclusion, je vous advise Qu'il m'est tart que la mort le prenne. (Myst. Viel test. R., t.4, c.1450, 335).

Rem. Hassell 141, J16.

Mener joie trop excessive à honneur répugne et estrive : SALOMON. Mener joye trop exessive A honneur repugne et estrive ; De joye les extremitez Ce sont pleurs et calamitez (Myst. Viel test. R., t.4, c.1450, 401).

Juge doit être prudent et vertueux : Vouz avez veu le jugement notable De Salomon, hault juge veritable ; Pardonnez nous se nous n'avons fait mieux ; L'honneur mondain a l'homme est peu durable : Juge doit estre prudent et vertueux. (Myst. Viel test. R., t.4, c.1450, 383).

Rem. Morawski 989 : Juge hastif est perilleux.

Il faut mourir jeune ou à la fin devenir vieux : LE TIERS FILZ (à ses deux frères qui souhaitent vivement la mort de leur père) Mes fréres, il fault mourir jeune Ou a la fin devenir vieux. L'arbre porte fruict precieux Et nostre pére est si courtoys, Si prudent et si vertueux ; De bon cueur nous nourrist tous trois ; Des biens nous aurons une fois Par son moyen. (Myst. Viel test. R., t.4, c.1450, 335).

Rem. Hassell 171, M226.

Homme ne se doit avancer de porter mauvaises nouvelles : ACHIMAS. S'il vous plaist, je prendray le cours Devers David luy annuncer [la mort de son fils Absalon]. JOAB. Homme ne se doit avancer De porter mauvaises nouvelles : Mais, puis que les choses sont telles Advenues, il fault qu'il les saiche. (Myst. Viel test. R., t.4, c.1450, 226).

Le peuple n'est pas fort estable : LA SECONDE DAMOYSELLE. Piui sue c'est le vouloir du pére Qu'il ayt esté roy couronné, Je croy qu'il n'y a homme né Qui en face commocion ; Le peuple sa promocion A eue aussi pour agreable. BERSABÉE. Le peuple n'est pas fort estable, Et si est de legier commeu. (Myst. Viel test. R., t.4, c.1450, 279).

Rem. Hassell 198, P141.

Un temps ne peut toujours durer : LE PREMIER. L'assault nous a esté fort rude ; Mais, vela, il fault endurer. JOAB. Ung temps ne peult tousjours durer ; Tousjours gens sont en esmoy. LE SECOND. Il nous fault advertir le roy De ce cas. (Myst. Viel test. R., t.4, c.1450, 206). Les nuys viennent aprés les jours Et aprés tenebres lumiere, Ung temps ne dure pas tousjours ; Ma malheurté n'est la premiere Et pas ne sera la derniere, C'est le confort des malheureux : L'ung va avant, et l'autre arriere, En paradis vont les heureux. (GARIN, Compl., 1460, 65).

Rem. Cf. aussi Morawski 949 : Il sera encore tel temps que nous n'orrons ja escharbot bruyre, 1120 : Le temps requiert somme, 2250 : Selonc le tans la tempreüre, 2272 : Sun tens pert ki felun sert.

Qui terre a, il a guerre : ...trop est vray ce que on seult dire : qui ha terre, il a guerre. Vrayement ce royaume est en guerre et persecucion sans cesser, et n'y a vice ou peché qui ne s'efforce l'envair et l'occuper par les cinq passages de mes cinq sens. (GERS., Mendicité G., 1400-1401, 243). LE PREMIER PARENT. Biens mondains font guerre mortelle, Car, ainsi qu'on dit, "qui a terre Ne peult vivre sans avoir guerre", Le proverbe assez s'entend. LE SECOND PARENT. Se chacun du sien fust contend, La paix serait universelle (Myst. Viel test. R., t.4, c.1450, 338).

Rem. Morawski 1821 : Qui a terre si a guerre ; Hassell 237, T36 ; DI STEF. 833a, terre.Variation sur le proverbe : : Mais pour tes maulx, enfant roy, te donrray, Vé ! terre, a toy ! car grant division En tes princes et ou peuple mettray, De toy feray la transmigracion, Car en toy n'a que variacion, Envie, orgueil, convoitise et mesdis (DESCH., Oeuvres Q., t.1, c.1370-1407, 316).

Trahison retourne à son maître : SALOMON. Pour leurs peines et leurs labeurs D'avoir commis ceste malice, Et considerant leurs erreurs, J'en feray cruelle justice. NATHAN. C'est bien fait garder la police ; Dieu l'a voullu ainsi permettre. S'on commet faulceté et vice, Trahison retourne a son maistre. (Myst. Viel test. R., t.4, c.1450, 290).

Rem. Morawski 2172 : Qui trecherie mene trecherie luy vient. ; Hassell 240, T77.